L-informazzjoni fir-rigward tal-ipproċessar ta’ data personali relatata mas-suġġett tad-data għandha tingħatalu meta tinġabar mis-suġġett tad-data, jew, fejn id-data personali tinkiseb minn sors ieħor, f’perijodu ta’ żmien raġonevoli, skont iċ-ċirkostanzi tal-każ. Fejn id-data personali tista’ tkun żvelata b’mod leġittimu lil riċevitur ieħor, is-suġġett tad-data għandu jkun informat meta d-data personali tkun żvelata għall-ewwel darba lir-riċevitur. Fejn il-kontrollur jkollu l-intenzjoni li jipproċessa d-data personali għal fini differenti minn dak li għalih tkun inġabret, il-kontrollur għandu jipprovdi lis-suġġett tad-data, qabel dak l-ipproċessar ulterjuri, b’informazzjoni dwar dak il-fini l-ieħor u informazzjoni meħtieġa oħra. Fejn il-oriġini tad-data personali ma setgħetx tingħata lis-suġġett tad-data peress li jkunu intużaw diversi sorsi, għandha tingħata informazzjoni ġenerali.
* Din mhix deskrizzjoni/titlu uffiċjali tal-premessa hawnhekk.
Għaliex il-Premessa 61 hija importanti għall-konformità mal-GDPR?
Il-Premessa 61 tispjega meta l-individwi għandhom jiġu infurmati dwar l-ipproċessar tad-data personali tagħhom. L-informazzjoni għandha tingħata fil-ħin tal-ġbir tad-data jew fi żmien raġonevoli jekk id-data tiġi minn sors ieħor. Teħtieġ ukoll li l-individwi jiġu infurmati qabel ma d-data tinqasam ma’ partijiet terzi jew tintuża għal skop ġdid, biex tiġi żgurata t-trasparenza matul iċ-ċiklu kollu tal-ħajja tad-data.