Ba cheart don Choimisiún faireachán a dhéanamh ar fheidhmiú na gcinntí ar leibhéal na cosanta i dtríú tír,,i gcríoch nó in earnáil shonraithe i dtríú tír, nó in eagraíocht idirnáisiúnta, agus ba cheart dó faireachán a dhéanamh ar fheidhmiú cinntí arna nglacadh ar bhonn Airteagal 25(6) nó Airteagal 26(4) de Rialachán 95/46/CE. Ina chuid cinntí leordhóthanachta, ba cheart don Choimisiún foráil a dhéanamh do shásra maidir le hathbhreithniú tréimhsiúil a dhéanamh ar a bhfeidhmiú. Ba cheart an t-athbhreithniú tréimhsiúil sin a dhéanamh i gcomhairle leis an tríú tír nó leis an eagraíocht idirnáisiúnta i dtrácht agus ba cheart gach forbairt ábhartha sa tríú tír nó san eagraíocht idirnáisiúnta a chur san áireamh. Chun faireachán a dhéanamh agus chun na hathbhreithnithe tréimhsiúla a dhéanamh, ba cheart don Choimisiún machnamh a dhéanamh ar thuairimí agus ar thorthaí Pharlaimint na hEorpa agus ar thuairimí agus ar thorthaí na Comhairle, chomh maith le tuairimí agus torthaí comhlachtaí agus foinsí ábhartha eile. Ba cheart don Choimisiún measúnú a dhéanamh, laistigh de thréimhse réasúnach ama, ar fheidhmiú na gcinntí sin agus aon torthaí ábhartha a thuairisciú don Choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (12) mar a bhunaítear faoin Rialachán seo, do Pharlaimint na hEorpa agus don Chomhairle.
* Ní hé seo an cur síos/teideal oifigiúil ar an réamhrá anseo.
Cén fáth a bhfuil Aithris 106 tábhachtach do chomhlíonadh GDPR?
Tá ról ríthábhachtach ag Aithris 106 i gcomhlíonadh GDPR trí cheangal a chur ar an gCoimisiún Eorpach cinntí leordhóthanachta do thríú tíortha agus d’eagraíochtaí idirnáisiúnta a fhaire agus a athbhreithniú go tréimhsiúil. Cinntíonn sé seo go bhfanann leibhéal na cosanta sonraí comhsheasmhach le himeacht ama agus go n-oiriúnaíonn sé d’athruithe dlíthiúla nó teicneolaíochta. Cuidíonn athbhreithnithe rialta le rioscaí a aithint, cuntasacht a choinneáil agus a chinntiú go leanann tíortha a ceadaíodh roimhe seo de chaighdeáin GDPR a chomhlíonadh. Neartaíonn an mhaoirseacht leanúnach seo muinín in aistrithe idirnáisiúnta sonraí agus cosnaíonn sí ábhair sonraí ó rioscaí féideartha a eascraíonn as cúinsí atá ag athrú.