Údaráis phoiblí a nochtar sonraí pearsanta dóibh i gcomhréir le hoibleagáid dhlíthiúil maidir le feidhmiú a misin oifigiúil, amhail údaráis chustaim agus chánach, aonaid imscrúdúcháin airgeadais, údaráis neamhspleácha riaracháin, nó údaráis de chuid an mhargaidh airgeadais atá freagrach as rialáil agus as maoirseacht a dhéanamh ar mhargaí urrús, níor cheart a mheas gur faighteoirí iad má fhaigheann siad sonraí pearsanta a theastaíonn chun fiosrúchán ar leith a dhéanamh ar mhaithe leis an leas ginearálta, i gcomhréir le dlí an Aontais nó le dlí Ballstáit. Aon iarrataí a sheolfaidh údaráis phoiblí, ba cheart iad a bheith i gcónaí i scríbhinn, réasúnaithe agus ócáideach i gcónaí agus níor cheart córas comhdúcháin ina iomláine a bheith i gceist leo ná níor cheart idirnascadh córas comhdúcháin a bheith mar thoradh orthu. An phróiseáil a dhéanann na húdaráis phoiblí sin ar shonraí pearsanta, ba cheart di na rialacha cosanta sonraí is infheidhme de réir chríocha na próiseála a chomhlíonadh.
* Ní hé seo an cur síos/teideal oifigiúil ar an réamhrá anseo.
Cén fáth a bhfuil Aithris 31 tábhachtach do chomhlíonadh GDPR?
Míníonn Aithris 31 nár cheart údaráis phoiblí a fhaigheann sonraí pearsanta mar chuid dá gcúraimí oifigiúla a mheas mar fhaighteoirí faoin GDPR, ar choinníoll go ndéantar na sonraí a phróiseáil de réir oibleagáidí dlíthiúla. Cinntíonn sí go ndéantar nochtadh ar mhaithe le leas an phobail, amhail chun críocha cánach, imscrúduithe airgeadais nó maoirseachta rialála, a láimhseáil go cuí. Tá an aithris seo tábhachtach mar déanann sí idirdhealú idir gnáth-aistrithe sonraí agus nochtuithe atá éigeantach de réir dlí chuig údaráis, rud a chinntíonn próiseáil dhleathach agus caighdeáin chosanta sonraí á gcoinneáil.