I gcomhréir leis na bunluachanna ar a bhfuil an tAontas fothaithe, go háirithe cosaint chearta an duine, ba cheart don Choimisiún a chur san áireamh, agus measúnú á dhéanamh aige ar thríú tír nó ar chríoch nó ar earnáil shonraithe i dtríú tír, an tslí ina ndéanann tríú tír ar leith an smacht reachta, rochtain ar cheartas mar aon leis na noirm agus na caighdeáin idirnáisiúnta maidir le cearta an duine agus an dlí ginearálta agus an dlí earnála atá aici, lena n-áirítear reachtaíocht a bhaineann leis an tslándáil phoiblí, le cosaint agus leis an tslándáil náisiúnta mar aon leis an ord poiblí agus leis an dlí coiriúil, a urramú. Agus cinneadh leordhóthanachta maidir le críoch nó le hearnáil shonraithe i dtaca le tríú tír á ghlacadh, ba cheart a chur san áireamh critéir shoiléire oibiachtúla, amhail gníomhaíochtaí sonracha próiseála agus raon feidhme na gcaighdeán dlíthiúil is infheidhme agus na reachtaíochta atá i bhfeidhm sa tríú tír. Ba cheart don tríú tír ráthaíochtaí a thabhairt lena n-áiritheofaí leibhéal leordhóthanach cosanta arb ionann é go bunúsach agus an leibhéal a áirithítear laistigh den Aontas, go háirithe i gcás ina bpróiseáiltear sonraí pearsanta in earnáil ar leith nó i roinnt earnálacha ar leith. Go háirithe, ba cheart don tríú tír maoirseacht neamhspleách éifeachtach ar chosaint sonraí a áirithiú agus ba cheart di foráil a dhéanamh maidir le sásraí comhair leis na húdaráis na mBallstát um chosaint sonraí, agus ba cheart cearta éifeachtacha in-fhorfheidhmithe agus sásamh éifeachtach riaracháin agus sásamh éifeachtach breithiúnach a thabhairt do na hábhair sonraí.
* Ní hé seo an cur síos/teideal oifigiúil ar an réamhrá anseo.
Cén fáth a bhfuil Aithris 104 tábhachtach do chomhlíonadh GDPR?
Tá Aithris 104 tábhachtach do chomhlíonadh GDPR mar leagann sí amach na critéir a úsáidtear chun measúnú a dhéanamh an soláthraíonn tríú tír leibhéal leordhóthanach cosanta sonraí. Cuireann sí béim ar thábhacht meas ar chearta bunúsacha, ar riail an dlí agus ar mheicníochtaí éifeachtacha forfheidhmithe cosanta sonraí. Éilíonn an aithris go soláthraíonn tríú tíortha cosaint atá go bunúsach coibhéiseach leis an gcosaint laistigh den AE, lena n-áirítear údaráis mhaoirseachta neamhspleácha agus leigheasanna dlí éifeachtacha do dhaoine aonair. Trí na critéir seo a shainiú, cinntíonn Aithris 104 go gcoinníonn aistrithe idirnáisiúnta sonraí caighdeáin arda cosanta agus go n-urramaíonn siad cearta ábhar sonraí.